عربية BYD للبنات بسعر 210 ألف جنيه
تأتي Byd F0 موديل 2010 بمحرك سعة 1000 سي سي، بقوة 67 حصان، مع ناقل حركة يدوي من 4 سرعات، وتستهلك 4.2 لتر لكل 100 كيلومتر.
توفر Byd F0 موديل 2010 مقصورة رحبة توفر راحة لفرين بالغين فى المقدمة، و فرد أو طفلين فى المقعد الخلفي، بالإضافة لمكيف هواء، وزجاج كهربائي.
حصلت Byd F0 موديل 2010 على دهان خارجي، ولكن داخلياً بدون أى دهانات، بينما بلغ قراءات عداد السيارة 145 ألف كيلومتر.
byd f0 موديل 2010
تفضل البنات باستمرار السيارات صغيرة الحجم من فئة “هاتشباك”، والتي تسهل قيادتها والتحكم فيها بفضل أبعادها المحدودة، بجانب اقتصاديتها في استهلاك الوقود وسعر قطع غيارها الزهيد، وفي حالة كنتي جديدة في تعلم القيادة هناك سيارة مناسبة بسعر 210 ألف جنيه.
وبحسب منصة بيع السيارات المستعملة الأشهر فى مصر “أونلاين”، توجد سيارة بي واي دي F0 مستعملة موديل 2010 للبيع مقابل سعر 210 ألف جنيه، وهي باللون السيلفر.
سعر Byd F0 موديل 2010
وصل سعر Byd F0 موديل 2010 إلى 210 ألف جنيه بحسب مالكها، ومرخصة لمدة سنة ونصف.
تتميز Byd F0 موديل 2010 بمقصورة رحبة توفر راحة لفرين بالغين فى المقدمة، و فرد أو طفلين فى المقعد الخلفي، بالإضافة لمكيف هواء، وزجاج كهربائي.
الأنطباع العام
العربيه من فئه ال City car و بجد تنفع العائلات الصغيره المكونه من 3 او 4 افراد. اقنصادية و موفرة جداً في البنزين . وطبعاً للشباب و شكلها جميل جداً بالمقارنه بالسيارات اللي في فئتها…
-*- الموتور: هو اتنين كامه 12 صباب ثلاثه سلندر الف سى سى صيني الصنع سير الكاتينه بتاعه جنزير و بيطلع حوالي 60 حصان او اقل قليل . وبعد استخدام سنتين و سفر لم الاحظ أي فرق في الاداء و الحمد لله عمرها ما عملت حركة نقص معايا… الموتور به رعشه بسيطه جداً و ده طبعاً عشان ال 3 سلندر و جربت السيريون وان برضه بس الصراحه الرعشه اقل بس فارق السعر كبير….النسبه لاستهلاك البنزين بصراحه هي اقتصاديه للغايه انا سافرت بيها و حسبتها اخدت 23 لتر و عملت 407 كيلو (يعني حوالي 17 كيلو في اللتر) و بسرعه تتراوح بين 100 -120 . و التنك بتاعها 30 لتر. و تم تغير حساس idle وtps و حساس الكرنك في الضمان طوال فترة العامين ودول عطلوا لوحدهم طبعاً مش في يوم واحد أنا كنت ولعت في نفسي و هم كانوا بيخلوا العربيه بتف بنزين بس الحمد لله التوكيل غيرهم في الضمان.
-*- العفشه :- العربية متماسكة جداً على الطريق و عفشتها مش ناشفه و ثابته جداً لحد سرهة 120 مع تحفظي على أبعاد الكاوتش الاصليه . اما عن تجربتي معاها فهي بتحتاج تربيط كل شهرين او تلاته مع العلم أني مركب جنوط أكبر من المقاس المعتمد ليها و دا السبب غي انها بتفك و طبعاً بقت ناشفة بعد الجنوط . العربيه حالياً بتنزل بباور مع اني مش شايف انها محتاجه اليه العربيه دريكسيونها خفيف و سلس. السايارة لو ركب فيها اربع اشخاص بتهبط مع العلم ان العربيه أصلاً واطية على الأرض..
-*- الفرامل : تقيمي ليها انها جيده بعد تجرية عامين. و لتحسن الاداء بصراحه أنا ركبت طقم جنوط و بقت ممتازه( مقاس السيارة الاصلي 165/70/14 و انا ركبت 195/55/15) بس على حساب راحة الراكب لان العفشه بقت ناشفة.
-*- التقفيل: الصراحه تقفيلها جيد جداً وبعد تجربة عامين لسه معجب بالتقفيل.الكاسيت اسطوانات (audio only) و راديو ووصله AUX لو هتوصل IPOD OR MP3 و فيها سماعتين في التابلوه مخفيين فيه بطريقه شيك جداً ويعيب الكاسيت أنه الاسطوانات audio only ولا توجد فتحة USB فالطريقة الوحيده هي ال AUX لو عايز تسمع اغاني. العربية للعلم مغيهاش ولاعه وغالبا في موديل 2012 نزلت بولاعة
البابين اللي ورا القزاز بتاعهم شراعه بتتفتح للخارج و شكلهم شيك جداً بس العيب لو حد قاعد ورا وحب يشرب سيجاره توقع انه هيطفي يا في الكنبه يا في الارض.الصالون يسع لاربع اشخاص متوسطين الحجم (لكن لو انت زي حالاتي من اللي برجعوا الكرسي لاخر المجرى و بيريح الظهر سنه اللي هيقعد وراك لو قعد هيدعي عليك) لكن في الوضع العادي بتاخد 4 اشخاص
و طبعاً عشان بتهبط لو اربع اشخاص اوزان و هي عمليه جداً و تقدر تقول انها سيارة أسرة صغيرة. طبعاً الشنطة صغيرة جداً تشيل اتنين هاند باج متوسطين الحجم فوق بعض او شنطة سفر واحده متوسطة الحجم و شنطه هاند باج. و الكنبه يمكن طيها بس بتفك مسمارين فيها من كل جنب.
*-* التكييف:- التكيف جيد جداً طول ما أنت مش في زحمة خانقة ولا واقف في إشارة طويلة بيقي تلاجه. أما لو وقفت في إشارة في الزحمة و الدنيا حر التكييف بيبقي ضعيف جداً. و من رأيي الشخصي أنها محتاجه مروحة زياده على الردياتير لزيادة كفاءة التكييف في الزحمة
*-* قطع الغيار: هنا بقي الكلام اللي يزعل السيارة قطع غيارها غير منتشره ولا يمكن انك تلاقيها بره التوكيل دا بالاضافة أنها غير متوافقه مع أي سيارة اخري(عدا فلتر الهواء و الزيت و السير ممكن تلاقيهم برة) . أما في التوكيل الحاجه موجوده و متوافرة بس دي عامله معايا مشكله لأني دائم السفر و كان شغلي خارج القاهرة. أسعار قطع الغيار معقوله جداً و مش مبالغ فيها و هي الحمد لله اعتماديه .
