فيلم جرى الوحوش .. استخدم المؤلف محمود أبو زيد الرمز في أسماء الشخصيات..
فنور الشريف الذي يعاني من التعاسة رغم امتلاكه الاموال نتيجة تجارة الدهب لكنه لا ينجب.. اسمه “سعيد أبو الدهب”.
ومحمود عبد العزيز الذي يرمز للفحولة والذي سأخذون منه الانتريال لوب (تور لوب).. اسمه عبد القوي شديد.
أما الدكتور، فاختار له اسم نبيه، كاسم خادع يعكس انه من ناحية متعلم، ومن ناحية اخرى هو اسم نقوله للشخص الذي لا يفهم شيء كنوع من السخرية.. لا نبيه يا اخويا.
أما صوت الحكمة في الفيلم “حسين الشربيني”، فقد أطلق عليه المؤلف اسم عبد الحكيم.
وزوجة سعيد ابو الدهب.. السيدة امخلصة التي ترفض أن تتكره في محنته رغم تركه لها، أطلق عليها المؤلف اسم “وفاء”.
وفيه اسماء في الفيلم من عوالم محمود ابو زيد.. زي نورا اللي كان اسمها “نواشي”.. وغفير نور الشريف اللي اسمه “أبو رخريخ”.
الفيلم الاول كان اسمه أرزاق.. لكن بعد كدا المؤلف استلهم اسمه من المثل الشعبي “أجرى يا بن ادم جري الوحوش”.
المؤلف محمود أبو زيد قال في حوار مع بلال فضل إن الفيلم اهم أفلامه “باعتبره قدام ربنا من أحسن أفلامي”، وبيقول إنه كان شاغل باله سؤال عن الرزق.. يعني الرزق دا بيجي منين وبناءا على ايه..
وبيقول في الحوار: “لو كان الثراء بقدر العمل، لنام الحمار على سرير من ذهب”، طيب لو بكثرة العبادة هتلاقي ناس عُبّاد وزُهّاد ومش لاقيين اللضى، وفضل السؤال دا شاغله.. وكان عنده عادة إنه كل ما يتزنق في حاجة يفتح المصحف ويدور فيه، فوقعت عينه على الآية الكريمة: “والله فضّل بعضكم على بعض في الرزق فما الذين فُضِّلوا برادي رزقهم على ما ملكت أيمانهم فهم فيه سواء”.
وبعدين قرا الحديث القدسي: ” “ومنكم لو أغنيته لفسد حاله ومنكم من أفقرته انصلح حاله والله يعلم وأنتم لا تعلمون”، وطبعا الاية الكريمة: ” ولو بسط الله الرزق لعباده لبغوا في الأرض”.
وكل الايات والاحاديث اللي بتتكلم ع الرزق.. كتبها المؤلف على لسان شخصية عبد الحكيم.. وفي الاول كان عزت العلايلي اللي هيعمل الدور، وليه صورة شهيرة مع فريق العمل، بس اختلف مع المنتج فجابوا حسين الشربيني، وكان ساعتها اختيار غريب لانه كوميديان والدور محتاج حد جد.. بس محمود ابو زيد دافع عن الشربيني .. وقال الشربيني راجل متدين وبتاع ربنا.. فهو هيبقى عارف الكلام اللي بتقوله الشخصية كويس..
