قواعد لو طبقتها هتكون سباح عالمي
القاعد الاولي : ديما اسمع لكلام مدربك بعنايه وافهمه من اول مره وطبق كلامه بالظبط
القاعده الثانيه :متتكلمش مع صحابك كتير في التمرين وتستنفذ طاقتك في الكلام
القاعده التالته :ديما ابعد عن صاحبك الرغاي اللي بيهري علطول ويفضل يقولك انا تعبان انا مش قادر صاحبك ده بيديك طاقه سلبيه حتي لو مش قصده
القاعده الرابعه:اهتم انك توصل اول واحد في التمرين وتسخن قبل الميه كويس ومتفوتش دقيقه في التمرين صدقني لو عملت الحركه دي هتكون مميز 💪🏿💪🏿🏊♂️
القاعده الخامسه : اهتم ديما بشربك للميه في التمرين 👌
القاعده السادسه : اهتم بوجباتك كويس جدا ومتبقاش عشوائي ومش اي حاجه تاكلها في الشارع وخاليك منظم واهم حاجه الوجبه اللي بعد التمرين دي مهم جدا 🤚🤚
القاعده السابعه : ديما خالي في هدف قدامك بتسعي وراه واوعي حد يحبطك وخاليك ديما شجاع ومفيش اس كلمه توديك وتجيبك وخاليك واثق من قراراتك واختبار مدربك بعنايه واصحابك
القاعده الثامنه: اهم قاعده اهتم بصلاتك لانك من غير صلاتك صدقني جسد من غير روح
لو مشيت ع ال ٨ قواعد دول صدقني هتبقي سباح مفيش منك ٢
التمرين لوحده مش كفايه
ازاى الكلام ده
طبعا لازم اجتهاد فى التمرين مش دلع و تراخى و تمرين و خلاص زى الطالب ال بيروح المدرسه و يقضيها لعب و اسمه بيروح التمرين و خلاص بدون محصله
لازم باقى ساعات اليوم ال قبل و بعد التمرين تساعد على الاستفادة من التمرين يعنى حضرتك مترحش التمرين تعبان و مفرهد نفسك و تقولى حتتمرن كويس و بكامل طاقتك….
طبعا بعد التمرين لازم راحه لمساعدة الجسم على استعاده الشفا من اجهاد التمرين و الا حتتعرض للاصابه
و كله كوم بقى و الاكل كوم لازم طبعا تهتم جدا بالاكل و طبيعته و مواعيده….. طب ازاى بقى…. اقولك ببساطة قبل التمرين كربوهيدرات( ارز. مكرونه مسلوقه. باتيهات ساده. بيتزا مارجريتا. بطاطس مسلوقه. بطاطا.. بسكوت لوكس او اهلاوى او اى بسكوت ساده.
طب وأثناء التمرين عصير ( برتقال . جوافه . تفاح . أناناس….) او ميه
طب و بعد التمرين وجبه بروتين حتى لو ساندوتشين( فول. بيض. بانيه. كبده . لحمه……)
طب و الاكل أثناء اليوم وجبات خفيفه متكامله( ارز او مكرونه مع خضار و بروتين ) بكميات مش كبيره كل ٤ ساعات تقريبا..
و مافيش العاب موبايل و الاهم من كل ده نذاكر كويس علشان اهملنا بيكلفنا اننا بنغيب عن التمرين علشان مش مذاكرين …افهم انت بقى
السباحة مش وقت التمرين فقط
علشان تبقى بطل مافيش دلع مافيش غياب مافيش اهمال مذاكره مافيش موبايل مافيش تعرض للادخنه مافيش اهمال للصحه و التغذيه……
و قصاد كل ال مافيش ده فيه بإذن الله صحه و نجاح و تفوق و بطوله و تكون قدوه و نجم فى عيون كل من حولك النجاح مش سهل ✊️💪
